Back

ⓘ পিয়লী ফুকন, চলচ্চিত্ৰ. পিয়লী ফুকন ১৯৫৫ চনত মুক্তি পোৱা এখন অসমীয়া ভাষাৰ কলা-বগা চলচ্চিত্ৰ। বোলছবিখনৰ পৰিচালনা কৰিছিল ফণী শৰ্মাই। ভাৰতৰ স্বাধীনতা সংগ্ৰামী পিয ..



পিয়লী ফুকন (চলচ্চিত্ৰ)
                                     

ⓘ পিয়লী ফুকন (চলচ্চিত্ৰ)

পিয়লী ফুকন ১৯৫৫ চনত মুক্তি পোৱা এখন অসমীয়া ভাষাৰ কলা-বগা চলচ্চিত্ৰ। বোলছবিখনৰ পৰিচালনা কৰিছিল ফণী শৰ্মাই। ভাৰতৰ স্বাধীনতা সংগ্ৰামী পিয়লি ফুকনৰ জীৱন আৰু তেওঁৰ দেশপ্ৰেমৰ আখ্যানেৰে ছবিখনৰ কাহিনীটো সমৃদ্ধ হৈছে। উল্লেখযোগ্য যে, পিয়লী ফুকন হৈছে ৰাষ্ট্ৰীয় পুৰস্কাৰ লাভ কৰা প্ৰথমখন চলচ্চিত্ৰ।

                                     

1. কাহিনী

ব্ৰিটিছশাসিত অসমত বিদ্ৰোগ ঘোষণা কৰা পিয়লী ফুকন নামৰ এজন অসমীয়া সংগ্ৰামী যুৱকক ব্ৰিটিছে শেষপৰ্যায়ত ফাঁচীৰ হুকুম দিয়ে। ব্ৰিটিছৰ বিৰুদ্ধে সজোৰে প্ৰতিবাদ সাব্যস্ত কৰা ব্যক্তিসকলৰ ভিতৰত পিয়লী ফুকন আছিল অন্যতম। ১৮৩০ চনত ব্ৰিটিছে তেওঁৰ কণ্ঠৰোধ কৰিবলৈ তেওঁৰ বিৰুদ্ধে গোচৰ মোকৰ্দমা কৰে আৰু মোকৰ্দমাত তেওঁৰ ফাঁচীৰ সপক্ষে ৰায়দান দিয়া হয়। ব্ৰিটিছৰ বিৰুদ্ধে চক্ৰান্ত ৰচনা কৰাৰ অপৰাধত তেওঁক দোষী সাব্যস্ত কৰা হৈছিল। ছবিখনৰ কাহিনী লিখিছিল ফণী শৰ্মাই।

                                     

2. অভিনয় শিল্পী

  • ফণী শৰ্মা পিয়লী ফুকন
  • জ্ঞানদা কাকতি,
  • হীৰেণ চৌধুৰী,
  • ইভা আচাও
  • ৰেবেকা আচাও
  • চন্দ্ৰধৰ গোস্বামী,
  • বীণা দাস মান্না,
  • ৰমেশ শৰ্মা, তুলসী দাস, ভূপেন বৰুৱা, দুৰ্গা গোস্বামী, বিবেক আগৰৱালা, নেইমুদ্দিন, ঝৰ্ণা, নয়নী।
                                     

3. কলা-কুশলী

  • কলা- পাচু চক্ৰৱৰ্তী
  • সহকাৰী পৰিচালক- অজয় চলিহা, ভবেন দাস
  • প্ৰচাৰ- প্ৰসন্ন কুমাৰ দাস
  • শব্দ- গৌৰ দাস
  • কেমেৰা- সুবোধ বেনাৰ্জী
  • সঙ্গীত- ভূপেন হাজৰিকা
  • স্থিৰ চিত্ৰ- কুমাৰ ষ্টুডিঅ’
  • সম্পাদনা- কমল গাঙ্গুলী, প্ৰতুল ৰায় চৌধুৰী সহকাৰী
  • পোহৰ- হেমন্ত দাস, মণ্টু সিং, আহমেদ, সুখৰঞ্জন
  • কণ্ঠ- ভূপেন হাজৰিকা, গুণদা দাস
  • গীতৰ কথা- ভূপেন হাজৰিকা
                                     

4. সংগীত

চলচ্চিত্ৰখনৰ সংগীত পৰিচালনা কৰিছিল ড॰ ভূপেন হাজৰিকাই। তেখেতেই ছবিৰ গীতবোৰ ৰচনা কৰিছিল। গীতসমূহত কণ্ঠদান কৰিছিল ভূপেন হাজৰিকা আৰু গুণদা দাসে। ছবিখনৰ গাঁৱৰে জীয়ৰী সপোন সুন্দৰী শীৰ্ষক গীতটো খুবেই সমাদৃত হৈছিল।

                                     

5. সন্মান

ফণী শৰ্মাৰ দ্বাৰা পৰিচালিত এই ছবিখনে ৩য় ১৯৫৫ ৰাষ্ট্ৰীয় চলচ্চিত্ৰ মহোৎসৱত ৰাষ্ট্ৰপতিৰ পৰা শ্ৰেষ্ঠ আঞ্চলিক ভাষাৰ চলচ্চিত্ৰ অসমীয়া শিতানত বিশেষ যোগ্যতাৰ প্ৰমাণপত্ৰ Certificate of Merit লাভ কৰিবলৈ সক্ষম হয়। গুৰুত্বপূৰ্ণ কথা যে, ৰাষ্ট্ৰপতিৰ পৰা এই সন্মান লাভ কৰা পিয়লী ফুকনেই হৈছে প্ৰথম অসমীয়া ভাষাৰ চলচ্চিত্ৰ।

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →